Төтенше жағдайлар министрлігінің қызметкерлері академиядағы экскурсияға да қатысты
Сәрсенбі, 23 Ақпан 2022
Бүгін ҚР ТЖМ Мемлекеттік өртке қарсы қызмет қызметкерлері үшін біліктілікті арттыру курстарының аясында ҚР ІІМ Б.Бейсенов атындағы Қарағанды Академиясы Қылмыстық процесс кафедрасының қызметкерлері СДТБТ АЖ-ға арналған сабақ өткізді. Осы сабақ шеңберінде СДТБТ жүйесінде қылмыстық құқық бұзушылықты тіркеу және сотқа дейінгі іс жүргізуді электрондық форматта жүргізу мәселелері зерделенді. Сондай-ақ, үш буынды модельді енгізу аясында қылмыстық процесті реформалаудың негізгі ережелері және цифрландыру перспективалары түсіндірілді.
Төтенше жағдайлар министрлігінің қызметкерлері академиядағы экскурсияға да қатысты, оның ішінде жауынгерлік және еңбек даңқы музейін аралап көрді. Экскурсияны музей меңгерушісі Қанағат Базылбекова жүргізді.
Біздің музей ерліктің, батырлықтың, каһармандықтың үлгісі болып табылатын Қарағанды академиясының және полиция қызметінің тарихынан сыр шерткен өзінің экспонаттарымен құнды. Сабақ пен экскурсия пайдалы әрі тиімді болды деп сенеміз.
